ITI નો અભ્યાસ કરતા દરેક વિદ્યાર્થી માટે ઓન-ધ-જોબ ટ્રેનિંગ (OJT) એ માત્ર અભ્યાસક્રમનો ભાગ નથી, પરંતુ વાસ્તવિક ઓદ્યોગિક દુનિયામાં પ્રવેશવા માટેનું પ્રથમ પગથિયું છે. આ તાલીમ દરમિયાન વિદ્યાર્થીઓએ કેટલાક મહત્વપૂર્ણ ફોર્મેટ અને નિયમોનું પાલન કરવાનું હોય છે.
૧. વીકલી લોગ બુક (Weekly Log Book) - એનેક્સચર-૧
ટ્રેનિંગ દરમિયાન તમે દર અઠવાડિયે શું શીખ્યા અને કયા કાર્યો કર્યા તેનો હિસાબ રાખવો અનિવાર્ય છે. લોગ બુકમાં નીચે મુજબની વિગતો ભરવાની રહેશે:
તાલીમાર્થીની વિગત: નામ, પરમેનન્ટ રજીસ્ટ્રેશન નંબર (PRN), ITI નું નામ અને ટ્રેડ.
ઉદ્યોગની વિગત: જે કંપનીમાં ટ્રેનિંગ લેતા હોવ તેનું નામ અને મેન્ટર (માર્ગદર્શક) નું નામ.
કાર્યનું વર્ણન: તમે આખા અઠવાડિયામાં કયા સાધનો વાપર્યા, કઈ પ્રવૃત્તિઓ કરી અને કયા પડકારોનો સામનો કર્યો તેની વિગત.
હાજરી: દરરોજ આવવા-જવાનો સમય અને મેન્ટરની સહી લેવી જરૂરી છે.
૨. તાલીમાર્થીનું મૂલ્યાંકન (Performance Evaluation) - એનેક્સચર-૨
તમારી ટ્રેનિંગ પૂરી થયા બાદ ઉદ્યોગના મેન્ટર દ્વારા તમારું ૫૦ માર્ક્સ માંથી મૂલ્યાંકન કરવામાં આવશે. આ ગુણ નીચેના મુદ્દાઓ પર આધારિત હશે:
સમયપાલન (Punctuality): ૧૦ માર્ક્સ
લોગ બુકની જાળવણી: ૧૦ માર્ક્સ
સમસ્યાનું વિશ્લેષણ અને ઉકેલ લાવવાની ક્ષમતા: ૧૦ માર્ક્સ
સાધનોનો યોગ્ય ઉપયોગ અને પ્રાયોગિક કૌશલ્ય: ૧૦ માર્ક્સ
સલામતીના નિયમોનું પાલન: ૧૦ માર્ક્સ
૩. પૂર્ણતાનું પ્રમાણપત્ર (Completion Certificate) - એનેક્સચર-૩
જ્યારે તમે સફળતાપૂર્વક ૧૫૦ કલાકની OJT પૂર્ણ કરશો, ત્યારે તમને ઉદ્યોગ અને ITI દ્વારા સંયુક્ત રીતે એક પ્રમાણપત્ર આપવામાં આવશે.
Click Below For Download In Word File
